सिरोंचा समाचार : भारतीय जनता पक्षाच्या (भाजप) देशव्यापी सदस्य नोंदणी मोहिमेला गती देण्यासाठी सिरोंचा तालुका व शहर यांच्यावतीने विशेष कार्यशाळेचे आयोजन करण्यात आले. आज गुरुवारी दिं. ०२ जानेवारी २०२५ रोजी ता.सिरोंचा नगर पंचायत परिसरात पार पडलेल्या या कार्यशाळेचे उद्घाटन भाजपा अनुसूचित जनजाती मोर्चाचे राष्ट्रीय महामंत्री तथा माजी खासदार अशोकजी नेते यांच्या हस्ते झाले.
कार्यशाळेच्या उद्घाटनप्रसंगी अशोकजी नेते यांनी भाजपचा दुपट्टा स्वीकारून कार्यकर्त्यांना मार्गदर्शन केले. त्यांनी भाजपच्या सदस्य नोंदणी मोहिमेचे राजकीय, सामाजिक आणि संघटनात्मक महत्व विषद केले. “भाजपची विचारसरणी देशाच्या प्रगतीसाठी निर्णायक आहे. सदस्य नोंदणी मोहिमेद्वारे नवीन सदस्यांना पक्षाच्या ध्येय-धोरणांशी जोडून त्यांना पक्षाच्या कार्यसंस्कृतीची ओळख करून देण्याचा प्रयत्न केला जात आहे. ही कार्यशाळा कार्यकर्त्यांसाठी दिशादर्शक ठरेल,” असे ते म्हणाले.
सदस्य नोंदणी मोहिमेत सहभागाचे आवाहन
मा. खा. अशोकजी नेते यांनी कार्यकर्त्यांना उत्साहाने आणि जोमाने सदस्य नोंदणी मोहिमेत सहभागी होण्याचे आवाहन केले. ८८००००२०२४ या क्रमांकावर मिस कॉल देऊन सदस्य नोंदणी प्रक्रिया पूर्ण करता येईल, याची माहिती त्यांनी दिली. “या मोहिमेला यशस्वी करण्यासाठी प्रत्येक पदाधिकारी आणि कार्यकर्त्याने झोकून देऊन काम करावे,” असे त्यांनी ठामपणे सांगितले.
कार्यशाळेतील प्रामुख्याने मंचावर मान्यवर भाजपा जिल्हाध्यक्ष प्रशांतजी वाघरे,जेष्ठ नेते तथा ओबीसी मोर्चाचे प्रदेश उपाध्यक्ष बाबुरावजी कोहळे, जिल्हा महामंत्री प्रकाशजी गेडाम,भाजपाचे जेष्ठ नेते सत्यनारायणजी मंचालवार, जिल्हा उपाध्यक्ष दामोदरजी एरिगेला, तालुकाध्यक्ष शंकरजी नरहरी,प्रकोष्ठ जिल्हाध्यक्ष संतोषजी पडर्लावार, जिल्हा सचिव संदीपजी राचर्लावार, जिल्हा सचिव सतिशजी गंजीवार,जेष्ठ नेते रहिमभाई जी,सितापती गटटु,सरपंच मड़्डे मॅडम, भाष्कर गुडमेटला, तसेच सिरोंचा शहर व तालुक्यातील पदाधिकारी व कार्यकर्ते मोठ्या संख्येने उपस्थित होते.
संघटनात्मक कार्याला नवी ऊर्जा
कार्यशाळेमुळे भाजपच्या संघटनात्मक कार्याला बळकटी मिळणार असून, सिरोंचा तालुका आणि शहरामध्ये सदस्य नोंदणी मोहिमेला नवी दिशा मिळेल, असा विश्वास व्यक्त करण्यात आला. उपस्थित मान्यवरांनी कार्यकर्त्यांच्या योगदानाचे कौतुक केले आणि भाजपच्या विस्तारासाठी अधिक जोमाने कार्य करण्याचे आवाहन केले.
या उपक्रमामुळे सिरोंचा तालुक्यातील भाजप संघटन अधिक मजबूत होईल आणि पक्षाच्या ध्येय-धोरणांची प्रभावी अंमलबजावणी होईल, असा विश्वास व्यक्त करण्यात आला.
