एम.एस.आर.टी.सी.एम्‍प्‍लॉईज को-ऑपरेटीव्‍ह सोसायटीचे आयोजन
नागपूर समाचार : एम.एस.आर.टी.सी. एम्‍प्‍लॉईज को-ऑपरेटीव्‍ह सोसायटी लिमिटेड, नागपूर तर्फे ‘हम होंगे कामयाब’ या विषयावर रविवार, 4 डिसेंबर रोजी शिक्षक सहकारी बँक सभागृह, शुक्रवार तलावाजवळ, नागपूर येथे दुपारी 2 ते 5 वाजेदरम्‍यान कार्यशाळेचे आयोजन करण्‍यात आले आहे. प्रसिद्ध वक्‍ते व सॉफ्ट स्किल्‍स ट्रेनर दीपक कुळकर्णी कार्यशाळेला मार्गदर्शन करतील.
पालक व विद्यार्थ्‍यांकरिता आयोजित करण्‍यात या कार्यशाळेत व्‍यक्तिमत्‍व विकास व कर‍िअरची निवड या विषयावर ते मार्गदर्शन करतील. कार्यशाळेला महाराष्‍ट्र राज्‍य परिवहन महामंडळ नागपूर व अमरावती प्रदेशाचे उपव्‍यवस्‍थापक श्रीकांत गभणे यांची प्रमुख उपस्‍थ‍िती राहणार आहे.
दीपक कुळकर्णी हे गव्‍हर्नमेंट पॉलिटेक्निक नागपूरचे माजी प्राचार्य असून संवाद कौशल्‍य, व्‍यक्तिमत्‍व विकास, तणाव व्‍यवस्‍थापन, वेळेचे व्‍यवस्‍थापन, मुलाखतीचे तंत्र आदी विषयांवर व्‍याख्‍यान व प्रशिक्षण देतात. सोसायटीतर्फे संस्‍थेचे सभासद व त्‍यांच्‍या पाल्‍यांकरिता दरवर्षी विविध उपक्रमांचे आयोजन केले जाते. त्‍याच शृंखलेतील हा कार्यक्रम असून सभासद व त्‍यांच्‍या पाल्‍यांनी मोठ्या संख्‍येने उपस्‍थ‍ित राहावे, असे आवाहन संचालक मंडळाने केले आहे.
