खासदार सांस्कृतिक महोत्सव समिती, नागपूरचे आवाहन
नागपूर समाचार : कलेची देवता श्री गणरायाच्‍या आगमनाची प्रतिक्षा आता सर्वांनाच लागलेली आहे. अधिक मासामुळे गणेशोत्‍सव यंदा सप्‍टेंबर महिन्‍यात साजरा होणार आहे. शहरातील गणेश मंडळांच्‍या तयारीला आता वेग येऊ लागला असून मागील वर्षीप्रमाणे यंदाही स्‍थानिक गणेश मंडळांनी ‘सांस्कृतिक गणेशोत्‍सव’ साजरा करावा, असे आवाहन खासदर सांस्कृतिक महोत्सव समिती, नागपूरच्‍यावतीने करण्‍यात आले आहे.
कला, साहित्‍य, संस्‍कृती, परंपरांचा प्रचार व प्रसार व्‍हावा, या उद्देशाने यंदा गणेश उत्‍सवात विविध गणेश मंडळांनी कला, साहित्‍याशी संबंधित कार्यक्रमाचे आयोजन करावे, असे आवाहन खासदार मा. श्री. नितीन गडकरी यांनी मागील वर्षी सर्व गणेश मंडळांना केले होते. त्‍यानुसार गायन, वादन, कला, नाटय, काव्‍य, गीतरामायण, देशभक्‍तीपर कार्यक्रम, कविसंमेलन आदी साहित्‍य, संस्‍कृतीसंबंधातील कार्यक्रम अशा विविध कार्यक्रमांचे सादरीकरण करीत गणेश मंडळांनी गणेशोत्‍सवाला सांस्कृतिक रूप दिले होते. शहरातील वेगवेगळ्या भागातील गणेशोत्‍सव मंडळांनी सुमारे 107 सांस्कृतिक कार्यक्रमांचे आयोजन केले. त्‍यात कवी संमेलने, विविध सामाजिक, देशभक्‍ती विषयांवरील नाटक, एकपात्री प्रयोग, देशभक्‍तीपर, सुगम संगीताचे कार्यक्रम, महाराष्‍ट्रातील पारंपरिक खेळ, नृत्‍य, रांगोळी आदींचा समावेश होता. शहरातील एकुण 30 संस्‍था या सांस्कृतिक उत्‍सवात सहभागी झाल्‍या होत्‍या.
यंदाही संस्‍कार भारतीच्‍या संयोजनात नाट्य संगीत, सुगम संगीत (भावगीत, भक्तिगीत, अभंग, देशभक्‍तीपर गीत, गीतरामायणावर आधारित निवडक गीते) भजन, कीर्तन, देशभक्‍तीपर नृत्‍य, गोंधळ, भारूड, नकला, एकल व समूह नृत्‍य, समूह वादन, कथाकथन, रांगोळी प्रशिक्षण, पारंपरिक खेळ, एकपात्री प्रयोग, कविसंमेलन (हिंदी व मराठी), लोकनृत्‍य, जादूचे प्रयोग, जागरण, दृकश्राव्‍य कार्यक्रम, बँड व ढोलताशा असे विविध कार्यक्रम आयोजित करण्‍यात येणार आहेत. एका गणेशोत्‍सव मंडळाला खासदार सांस्कृतिक महोत्सव समितीकडून एकच कार्यक्रम देण्‍यात येईल. इच्‍छूक गणेश मंडळांनी त्‍याकरिता 22 ऑगस्‍ट से 5 सप्‍टेंबर दरम्‍यान नोंदणी शुल्‍क 50 रुपये भरून नोंदणी करावी. त्‍याकरीता श्री. नितीन गडकरी यांचे संपर्क कार्यालय, सावरकर नगर, ऑरेंज सिटी हॉस्पिटल समोर, खामला चौक, नागपूर येथे किंवा अधिक माहितीकरीता राम ठाकरे (8446218357), पुष्‍कर जोध (8390979307) व कार्यालय (0712-2239926, 0712-2239920) यांच्‍याशी दुपारी 12 ते 4 या वेळात संपर्क साधावा.
या उपक्रमाच्‍या यशस्‍वीतेसाठी खासदार सांस्कृतिक महोत्सव आयोजन समिती, नागपूरचे अध्‍यक्ष प्रा. अनिल सोले, उपाध्यक्ष मधूप पांडे, गौरीशंकर पाराशर, अशोक मानकर, दिलीप जाधव, सचिव जयप्रकाश गुप्‍ता, कोषाध्यक्ष प्रा. राजेश बागडी, सदस्य बाळासाहेब कुलकर्णी, हाजी अब्‍दुल कादिर, संजय गुळकरी, रेणुका देशकर, सारंग गडकरी, अविनाश घुशे, गुड्डू त्रिवेदी, किशोर पाटील, संदीप गवई, चेतन कायरकर, आशिष वांदिले, भोलानाथ सहारे, नितीन तेलगोटे, मनिषा काशीकर यांचे सहकार्य लाभत आहे.
पत्रकार परिषदलेला खासदार सांस्कृतिक महोत्सव आयोजन समिती, नागपूरचे अध्‍यक्ष प्रा. अनिल सोले यांनी संबोधित केले. यावेळी गौरीशंकर पाराशर, अशोक मानकर, दिलीप जाधव, सचिव जयप्रकाश गुप्‍ता, कोषाध्यक्ष प्रा. राजेश बागडी यांच्‍यासह बाळासाहेब कुलकर्णी, अविनाश घुशे, नितीन तेलगोटे, मनिषा काशीकर आदींची उपस्‍थ‍िती होती.
