नागपूर समाचार : उपमुख्यमंत्री तथा पालकमंत्री देवेंद्र फडणवीस यांनी आज देवगिरी शासकीय निवासस्थानी जनतेशी संवाद साधला व निवेदने स्वीकारली.
नागपूर पूर्व विधानसभा मतदार संघातील ‘शासन आपल्या दारी’ कार्यक्रमातील सहभागानंतर श्री. फडणवीस यांना भेटण्यासाठी व आपल्या समस्या मांडण्यासाठी नागपुरच्या विविध भागातील नागरिक आले होते. श्री. फडणवीस यांनी येथील त्यांच्या कार्यालयात नागरिकांची भेट घेतली, त्यांच्या समस्या जाणून घेतल्या व त्यांची निवेदने स्वीकारली.
विविध सामाजिक संस्था, ज्येष्ठ नागरिक, महिला आणि विद्यार्थ्यांनी आपल्या मागण्या श्री. फडणवीस यांच्याकडे मांडल्या. उपमुख्यमंत्र्यांनी या सर्वांची निवेदने स्वीकारत त्यांचे म्हणणे ऐकून घेतले.
