नागपूर समाचार : खासदार क्रीडा महोत्सवांतर्गत मंगळवारी १६ जानेवारी रोजी रस्साखेच स्पर्धेचे उद्घाटन झाले. गाडीखाना मैदानावर सुरू झालेल्या स्पर्धेच्या उद्घाटन प्रसंगी माजी महापौर अर्चना डेहनकर, रामभाउ आंबुलकर, माजी नगरसेवक प्रमोद चिखले, स्पर्धेचे कन्वेनर नागेश सहारे, श्री. चौधरी, श्री. डांगे आदी उपस्थित होते.
उद्घाटनानंतर 15 वर्षाखालील मुलींच्या वयोगटात 380 किलोच्या आतील गटात स्पर्धा झाली. यामध्ये बुटी पब्लिक स्कूल नागपूर, महाराष्ट्र विद्यालय खापरखेडा उमिराज ॲकेडमी कामठी, बुटी स्पोर्ट्स ॲकेडमी नागपूर, वलनी हायस्कूल आणि शंकरराव चव्हान संघ खापरखेडा या संघांनी विजय नोंदविला.
