नागपूर समाचार : शहरात बुधवारी पहाटे स्टार बस मेट्रोच्या पिलरला धडकल्याची घटना समोर आली आहे. या अपघातात चालक जखमी झाल्याने त्याला मेयो रुग्णालयात दाखल करण्यात आले असून त्याच्यावर उपचार सुरु आहे.तर अपघातात बसच्या समोरील काचा फुटून मोठे नुकसान झाले आहे.
माहितीनुसार, आपली बस (एम एच ४० बीजी १०७९) ही आज पहाटे हिंगणा येथून मोरभवनकडे जात असताना नागपूर विद्यापीठाच्या ग्रंथालयासमोर असलेल्या मेट्रोच्या पिलरला जबरन धडकली. बस चालवत असताना चालकाच्या पायाजवळ ब्रेकखाली पाण्याची बॉटल आल्याने हा अपघात घडल्याची माहिती आहे. सुदैवाने चालकाला सोडून इतर कोणालाही जीवितहानी झालेली नाही.
