नागपूर समाचार : दरवर्षी प्रमाणे यंदाही तान्हा पोळा ग्रुप न्यू नरसाळा रोड तर्फे तान्हा पोळा कार्यक्रमाचे आयोजन करण्यात आले. या कार्यक्रमाला डान्स दिवाणे या शो चे विनर पियूष गुरभेले यांची उपस्थिती लक्षणीय ठरली. तसेच मा. भागवत रामकृष्ण भोयर मेजर भारतीय सेना यांचे स्वागत करण्यात आले.
या कार्यक्रमात लकी ड्रॉ मध्ये ३ नंदी धारक बालगोपालांना सायकल वाटप करण्यात आले. तसेच सुंदर नंदी करीता व सुंदर वेशभूषा करीता प्रत्येकी ५ बक्षिस वितरण करण्यात आले.
तसेच तान्हा पोळा मध्ये सहभागी सर्व नंदी धारक बालगोपालांना 700 वॉटर बॉटल बक्षिस म्हणून वितरीत करण्यात आले. या कार्यक्रमाला भारत माता नगर, संभाजी नगर, स्वागत नगर न्यू नरसाळा रोड येथील ३००० नागरीक सहभागी झाले.
तान्हा पोळा ग्रुप न्यू नरसाळा रोड कोअर कमिटी प्रियशील माटे, दिनकर राउत, महादेवभाऊ कुहिटे, मोहन जंगले, गिरीश दाभाडे, राजू खिच्ची, प्रवीण गिरिपूंजे, संतोष मालवीया नंदुजी कुहीकर, श्रीकांत खंडाळे, शिवा राउत, अभि कडू, ललित मांडवगडे आणि सुनील राउत यांचा मार्फत सदर कार्यक्रमाचे यशस्वी आयोजन करण्यात आले.
