कोराडी समाचार : बोखारा येथील सरस्वती हायस्कूल व कनिष्ठ महाविद्यालयाच्या खेळाडूंची जिल्हास्तरीय फुटबॉल स्पर्धेसाठी निवड झाली आहे. तालुकास्तरीय फुटबॉल स्पर्धेत सरस्वती हायस्कूलच्या चमूने के जॉन कामठी शाळेच्या संघाचा ०-५ गुणांनी पराभव करीत प्रथम क्रमांक पटकाविला.
विजयी चमूमध्ये शेमलाल मंत्री हंसदा, लखन संझला मरांडी, रुबीन सलकू हेम्ब्रोम, राजू काली टूडू, मोनोतोष मोण्डेल किसकू, फ्रान्सिस श्रीनाथ हंसदा, फिलिप जिसु टुडू, नयन विश्वनाथ मार्डी, जयदेव बायला बसके, आकाश रतन हंसदा, अभिजित शिबू सोरेन, अनिमेश सावना सोरेन, अलबिदा संतोष मुर्मू, ओम संजू लांडे, मार्शल उकील हेमरॉन, अरमान अंकुश सर्वर यांचा सहभाग होता. संस्थेच्या संचालिका प्राचार्य लता वाघ यांनी खेळाडूंचे अभिनंदन केले. क्रीडा शिक्षक उमेश देशमुख, विद्या गजभिये, रोहित खोटे यांचे खेळाडूंना मार्गदर्शन लाभले.
