नागपूर : नागपूर महानगरपालिकेच्या उपद्रव शोध पथकाचे जवानांनी आज मास्क शिवाय फिरणा-या बेजबाबदार १२३ नागरिकांविरुध्द कारवाई केली असून त्यांच्याकडून प्रत्येकी रुपये ५०० प्रमाणे ६१ हजार ५०० रुपयांचा दंड वसूल केला. या सर्व नागरिकांना मास्क सुध्दा देण्यात आले. मागील काही दिवसात शोध पथकांनी २२९०० नागरिकांविरुध्द कारवाई करुन रु. ९८,०९,०००/- चा दंड वसूल केला आहे.
आज मनपा उपद्रव शोध पथकाव्दारे लक्ष्मीनगर झोन अंतर्गत १३, धरमपेठ झोन अंतर्गत १८, हनुमाननगर झोन अंतर्गत २२ धंतोली झोन अंतर्गत ११, नेहरुनगर झोन अंतर्गत ११, गांधीबाग झोन अंतर्गत ९, सतरंजीपूरा झोन अंतर्गत १०, लकडगंज झोन अंतर्गत ७, आशीनगर झोन अंतर्गत १४ आणि मंगळवारी झोन अंतर्गत ८ जणांविरुध्द ही कारवाई शोध पथकाचे प्रमुख विरसेन तांबे यांच्या मार्गदर्शनात करण्यात आली. ५०० रुपये प्रमाणे आतापर्यंत १७४३० बेजबाबदार नागरिकांकडून रु ८७ लक्ष १५ हजार वसूल करण्यात आले आहे.
