नागपूर, ता.१७ : नागपूर महानगरपालिकेच्या उपद्रव शोध पथकाने सोमवारी (ता. १७ मे) रोजी २३ दूकाने/प्रतिष्ठानांवर कारवाई करुन रु. १,६०,००० चा दंड वसूल केला. गांधीबाग झोन अंतर्गत जुनी मंगळवारी येथील सुर्यकांत सावजी, दाना पाणी सावजी, धीरज सावजी रेस्टॉरेन्ट आणि धोडपागे सावजी रेस्टॉरेन्ट सी.ऐ.रोड गांधीबाग या सर्व दुकानांना गांधीबाग झोनच्या सहाय्यक आयुक्तांच्या आदेशाने सील करण्यात आले.
पथकाने ५० प्रतिष्ठाने व मंगल कार्यालयांची तपासणी केली. मनपा आयुक्त राधाकृष्णन बी. यांच्या निर्देशानुसार उपद्रव शोध पथक प्रमुख वीरसेन तांबे यांच्या मार्गदर्शनाखाली झोन शोध पथकांद्वारे ही कामगिरी पार पाडण्यात आली.
